Posts

Showing posts from May, 2009

చరమ"రణం"....

ఆ"కలికి" నేల కడుపు జ్వలిస్తే, దాహానికి వేర్లన్నీ నొర్లు తెరిస్తే, ప్రకృతి పడి ఒళ్ళు విరిస్తే, బతుకు చితికి చితులు వెలిస్తే, ఏ భావం జన్మిస్తుంది, ఏ కవనం ప్రభవిస్తుంది, ఏ రాగం రుచినిస్తుంది, ఏ రక్తం రుణమౌతుంది, ప్రాణమే ప్రవాస సారంశం నవ చరణం చరమ"రణం"....

అచంచల చలనం!

నటిస్తున్న ప్రతీ పదం, బుకాయిస్తూ ప్రతీ శ్వాస, నా తనాన్ని, అస్థిత్వాన్ని, అబద్ధీకరిస్తున్న నా లౌక్యం, అఙ్ఞ్యానతత్వం ప్రొద్దుతోపాటుగా, కళ్ళు నలుపుకుంటూ లేస్తున్న, ఆశలు, గమ్యాన్ని జేబులో వేసుకుని మోసుకెళ్తున్న, తాపత్రయాలు, వాలిన సాయంత్రనికి మోకాళ్ళ మధ్య తల వాలుస్తున్న, ఆలోచనలు, అరచేతిలో బద్ధకం, అరికాలికింద స్వర్గం, సాధించింది లేదని కాదు, ప్రగతి శూన్యమనీ కాదు, మరీ గొంగళితో పోల్చలేం కాని, ట్రెడ్మిల్లుపై పరుగులా ఉంది, జీవితం...

తృష్ణ గీతి.......

ఎన్నో ప్రశ్నలు, ఎన్నో తృష్ణలు, హారతి పళ్ళెపుటంచులలో, తలుపుల గొళ్ళెపుటిరుసులలో, చెక్కల తొక్కల దిక్కులులలో ఋక్కులలో..... ఎన్నో తృష్ణలు, ఎన్నో ప్రశ్నలు, వృష్టికి ఇచ్చిన అశ్రువులో, విచ్చిమోసిన గొంతుకలో, ఆరని గుండెల మంటలలో, గణ గణ గణ గణ గంటలలో..... లోకంలో, శోకంతో, చలించి, జ్వలించె, రణరంగాలు, గణరంగాలు, ముస్తాబయ్యే శ్రీరంగాలా కుదురే అరుదు, భావం, భాగ్యం, ప్రాణం, ప్రణవం, సమాధానాల జాడలు లేవు, నాలుగువైపుల సమిధల చితులే; కదం తొక్కుతూ, పదం పాడుతూ, అమాయకంగా, అయోమయంలో, వెతుకులాటలో, బ్రతుకు పాటలో, తోపులాటలో, పరుగు బాటలో, నలిగే, చితికే ప్రతీ మనస్సులో, తీరని ఆకలి, నెత్తుటి లోగిలి, ప్రత్యక్షరం, ప్రతీ క్షణం, ఆహ్వానాలు, ఆరోహణలు, కాలం మెచ్చే మార్పులకోసం, మార్పులు తెచ్చే రోజులకోసం, ప్రశ్నల తృష్ణలు, మరో ప్రపంచపు, మహా ప్రపంచపు, ప్రస్తావనలు, ప్రస్థానాలు....... - శ్రీవాహిని